Busturiko ingurune naturala

Busturian paisaia mota bi aurki ditzakegu, barne aldekoa eta kostaldekoa.
Padurak ibaiekin lotura duten gune lauak dira, hau dela eta, mareekin ureztatzen dira.
Paduretako landaredia berezia da, landare bakoitza baldintza konkretuetara moldatzen da, bere beharrizanetarako egokienak diren baldintzetara moldatuz.

Urdaibaiko padurak (San Kristobal - Busturia)

Hegaztiak: Padura, ingurune hezea denez, garrantzizkoa da hegaztientzat. Hegazti urtarrak babesleku gisa, migratzeko, atsedenaldirako, elikatzeko eta batzuek, kumatzeko erabiltzen dituzte halako tokiak. Urdaibaiko padurak Kantauri aldeko bigarrenak dira garrantzi aldetik, Euskal Herriko garrantzizkoenak izanik. Bizkaiko Golkoan daudenez, atlantiar kostaldetik migratuz lberiar penintsulara sartzen diren hegaztiek erablitzen dute. Hegaztiek, batez ere, garai bitan migratzen dute:
· Udazkenean lparretik Hegorantz. Europa ipar eta erdialdeko kumatze guneak utzi, eta negua igarotzeko, Afrikarako bidea hartzen dute.
· Udaberrian Hegotik lparrerantz. Negua Afrikan igaro ondoren, aurreko bidetik igarotzen dira iparraldeko kumatze tokietara.
Urtero etortzen diren hegaztien artean hurrengoak ditugu:
Lertxuntxoa, Ahate txistularia, Lertxun hauskara, Kurlinta, Mokozabala,Txirriak...

Kaioa Busturiko zeruan

San Kristobaleko hareatza jatorri artifiziala duen hare metaketa da. Muruetako untzigintza lantegiak itsasadarra dragatu beharra dauka itsasontzi handiak itsasoratzeko.

Lezkadia barne aldeko erdi ureztatutako guneetan agertzen da. Toki hauetan mareen eragina txikia da eta ur gezaren agerpena orekatua da. Toki hauetan lezka dugu espezie dominatzailea, baina ezpata belarra, líríoa eta menta ere aurki daitezke.

Landazabala (Altamira - Busturia)

Landazabala da Urdaibain gizakiarik gehien duen aldea. Landazabalan burutzen diren iharduera nagusiak nekazaritza eta abeltzantza dira, nahiz eta basogintzak, hazkuntza azkarreko koniferen landaketekin (Pinus insignis) garrantzi handia duen. Era honetan, landazabalak, lehen hariztiak edo baso mistoak zeuden tokiak bete ditu.
Landazabalaren egitura honako osagai hauek betetzen dute: mozketako larreak, soroak, basotxoak, hesi-biziak, eta baserriak orekatzen du. Baserria da landazabalako bizitzaren eraentzalea, eta, era berean, baserritarraren bizileku eta ogibidea da. Baserria Euskal Herriko kulturaren adierazgarri da, eta baita lurraren ohiko erabilerarena ere.

Txakurra baserriko leihoan (Busturia)

HAUR HEZKUNTZAKO BLOGA (Berria)

LEHEN HEZKUNTZAKO BLOGA (Berria)
Historia eta Artea | Keramika | Txakolina | Kirolak
Jokuak | Ingurune naturala | Dantzak | Argazkiak